මට මුකුත් වෙලා නැහැ......!

 ඔලුව අවුල් උනහම
කිසි දෙයක් ඔලුවට එන්නේ නැහැ කියල
මම අහල තියෙනවා.
මේ දවස් වල මගේ සිතිවිලි
නිදහසේ පා  වෙලා යන්නේ
එක නිසා වෙන්න ඇති.
වෙලාවකට හිතෙනවා
මිනිස්සුන්ට හිතක් ලැබුනේ
 මොකටද කියල.
එකනේ දුක,සතුට,වේදනාව,විරහව වගේ
දේවල් දැනෙන්නේ
මටත් මේ ධර්මතාව පොදුය්.
හැබය් අනිත් අයට වඩා
 මට මේ වගේ දේවල් දැනෙනවා.
මම එහෙම හිතන්නේ
මට මගේ හිත රවට්ට ගන්න
ඕන නිසා වෙන්න ඇති.
දැන් කලෙක ඉඳල
කාටවත්ම කියා ගන්න බැරි
මොකක්දෝ දෙයක් හිරවෙලා.
හැබය් මගේ  
මොකක්දෝ වෙනසක්
හැමෝටම පේනවලු.
ගොඩ දෙනෙක් මගෙන් අහනවා
"මොකද මචන් ....
උඹ දැන් ඉස්සර වගේ නෙමෙය්
රැවුල  වවා ගෙන....
හරියට කෙට්ටු වෙලා....
මොකද බන් වෙලා තියෙන්නේ?.
love affair  එක break වෙලාද?"
love affair  එක break වෙලාද?
මම මගේ යටි හිතෙන් ඇහුව.
එයාට දෙන්න උත්තරයක් නැහැ.
මොකද එය දන්නවා 
මම කැමති නැහැ කියල
එයාගේ ඒ උත්තරය පිළිගන්න.
යාලුවෝ කියන කතාව ඇත්ත.
මට එහෙම හිතුනේ
ආත්මගේ අලුත්ම සින්දුවේ
 පද දෙකක් මට තදින්ම දැනුන නිසා.
"මිරගුවක සිත තියල 
නුඹ දුරක ඇදුනා
රංචු ගැසෙනා රෑනේ 
තනිකමක් දැනුනා.:"
යාලුවෝ අහන දේවල් වලට
මොනවා හරි කිව්වා කියමුකෝ.
එත් අම්ම............
මාව මේ තැනට ගෙනාපු 
මගේ රත්තරන් අම්ම........
මේ දවස් ටිකේම 
එයාගේ ඇස් වල කඳුළු.
"මොනවද පුතේ 
ඔච්චර හිතන්නේ?
හරියට බඩට කන්නේ නැහැ.
එලි වෙනකම් ඇහැරිලා.
මුණ ඇදිල ගිහිල්ල.
මොකක්ද මේ උඹට 
වෙලා තියෙන්නේ...?
හිතේ තියෙන දෙයක් 
මටත් කියපන්.
මම තාමත් උඹේ අම්ම....
කෝ උඹේ මුනේ තිබිච්ච හිනාව...?
කෝ එක....?"
"හිත පිච්චෙනවා අම්මේ
මම කොහොමද හිනා වෙන්නේ...?"
මට එහෙම හිතුනට
කොහොමද එක 
අම්මට කියන්නේ...?
මට මුකුත් වෙලාද?
මම මගේ යටි හිතින් අහනවා
උත්තරයක් නැහැ.
උත්තරයක් නැද්ද...?
යටි හිත දෙන උත්තරය පිළිගන්න
මම කැමති නැද්ද...?
නැහැ....
යටි හිත මොකක්දෝ කියන්න 
අර අදිනවා
ඒ දේ අහන්න තරම්
 මට ශක්තියක් නැහැ.
ඒ නිසා මම හිතනවා....
දිගටම හිතනවා.......
මට මුකුත් වෙලා නැහැ.
මට මුකුත්ම වෙලා නැහැ..........